LUNG A VA LENG TAK EM !

                      Biaktea Hillu Ralte

       LUNG A VA LENG TAK EM !

Lenkawlah turnipui lo her liam e,

Uai hnu nunhlui hai ang țhang lairila'n.

Ngaih thar a zual nghilh loh kha lairila'n,

A ngaiin mahte'n țah zai lo rel e.

Vangkhawpui laitual zawng lo hnim ruai e,

A her luai luai turnipui lenkawla'n.

Lunglen biahthu D nemte'n hrilpuia'n,

Êntu Chhawrthlapui paw'n lan zai rel e.

Ngaih loh iangin mahte'n ka vaih ruai hi,

Theih se a ngur naufa chang ve ila,

A kiang mahna rianghlei ka țahna hi.

Khuavel chhingin țhaleng chawi ve ila.

Êntu chhawrthla paw'n mual a liam tak hi,

Mut tui ânnem chhiahtu tawng ve ila.

(He Poem hi Acrostic niin hla tlar tin hawrawp hmasa ber zel remkhawm hi a hla thupui, 'LUNG A VA LENG TAK EM' tih hi a ni. Tin, a rhyme hi Petrarchan Sonnet kalphung anga duan niin tlar tin hian 10 syllables țheuh an nei bawk.)